Bu məqalədə XX əsr türk ədəbiyyatının görkəmli nümayəndəsi Oğuz Atayın “Tutunamayanlar” romanı tədqiqata cəlb edilmişdir. “Tutunamayanlar” əsəri ilə türk ədəbiyyatında modern və postmodern təmayülləri gücləndirən Oğuz Atay “kokteyl roman” yazır. Atay bir çox ədəbi növ və janrları vahid estetik çətirin altına yığır. Bu baxımdan “Tutunamayanlar” əsəri Ceyms Coysun “Uliss” romanı ilə müqayisə edilir. Tədqiqat işində XX əsrin əsas ədəbi simalarından olan, fransız strukturalist Rene Jirarın “Üçbucaq arzu” tezisinin “Tutunamayanlar” romanında bədii ifadəsi modern və postmodern təmayüllər əsasında araşdırılır. Məqalənin yeniliyi ondan ibarətdir ki, Jirarın “Üçbucaq arzu” tezisinə yeni aspektdən baxılır və bu anlayışın roman sənətində təzahürü nəzərdən keçirilir. Mətnlərarası əlaqə və mətn daxilində mətn poetik sistemi müqayisəli ədəbiyyat kontekstində tədqiq edilir. Daha çox klassik bədii mətnləri təhlilə cəlb edən Rene Jirardan fərqli olaraq, klassik, ənənəvi romanlar deyil, modern və postmodern elementlərlə zəngin “Tutunamayanlar” əsəri təhlilin əyani, praktiki predmeti olur.
Primary Language | Azeri |
---|---|
Subjects | South-West (Oghuz) Turkic Dialects and Literatures |
Journal Section | Research Articles |
Authors | |
Publication Date | July 27, 2023 |
Published in Issue | Year 2023 Issue: 1 |