Tüccâr Vekâletleri [s.40] Bizim tüccâr vekîllerimizin Makedonya’daki vazîfeleri pek müşkil ve ağırdır. Dâhilinde icrâ-yı amel ve nüfûz edecekleri şerâit-i muhîtîyeye nazaran tüccâr vekîllerimizin en ince fikri ve âlim-i diplomat evsâfını hâiz olmaları lâzımdır. Lüzûmu der-kâr olan bu vâsi’ ma’lûmâtdan mâadâ me’mûriyyetlerinde muvaffak olmak üzere ayrıca da muâşeret-i mahalliyye hakkında tecrübeleri olmalıdır. Mevki’ ve me’mûriyyetleri itibâriyle onlar yalnız hükûmet-i emâretin mahall-i mezkûresi en büyük me’mûriyyeti gibi ad edilmekle kalmamalıdır. Onlardan matlûb olan şey daha fazladır. Bi-l-hâssa memâlik-i Osmâniyye tüccâr vekîllerimiz kelimenin bütün ma’nâsıyla ricâl-i ictimâiyye olmalıdırlar. Çünkü onlar aynı zamanda bin müşkile içinde bulun- mağla beraber şerâit-i muhîtiyyenin her dürlü adem-i müsâadesine rağmen gâh ahâli-i mahal- liyyeye icrâ-yı nasâyih edecekler, yol gösterecekler ve yardım eyleyecekler ve gâh halkı teşci’ ederek yüreklerine kuvvet vererek onlarda daha parlak bir istikbâl ümidi şulesini idâme ve iş’âle çalışacaklardır. Onlar bu halk ile ve hele köy ahâlisi ile dâimî münâsebet ve temâslarda buluna- caklardır. Bu vesile ile onlar dâire-i me’mûriyyetlerini sık sık bizzat devredecekler veya bu maksad ile maiyyet me’mûrlarını etrafa muttasıl göndereceklerdir. Bu ahvâl ve siyasetim dâire- sinde hareket olununca halk onlara kendi tabîî hamisi ve iyiliğini arzu eder hayr-hâh nazarıyla bakmağa alışacağı içün kolayca vaz’-ı taht-ı te’sîri ve nüfûzuna girebilecekdir. ...
Primary Language | Turkish |
---|---|
Subjects | Late Modern Ottoman History |
Journal Section | Çeviri |
Authors | |
Publication Date | June 30, 2014 |
Published in Issue | Year 2014 Volume: 4 Issue: 1 |
Adres: Akdeniz İnsani Bilimler Dergisi Akdeniz Üniversitesi, Edebiyat Fakültesi 07058 Kampüs, Antalya / TÜRKİYE | E-Posta: mjh@akdeniz.edu.tr |