Motîfên Sereke Di Çîrokên Mîrze Mihemed De

Çîrok û xebatên polînkirin û berawirdkirina çîrokan di nav xebatên folklorî de cihekî girîng digirin. Di nav cîhana folklorê de jî Stith Thompson xwedî cihekî bêhempa ye. Ew bi dehan salan li ser vegotinên gelêrî xebitiye û gelek berhemên derbarê folklorê de amade kirine. Yek ji xebatên wî ya herî girîng Motif-Indeksa Edebiyata Gelêrî ye ku ew herwiha wekî rebazek jî te qabulkirin. Li gorî vê rebazê hemu vegotinên gelêrî di nava xwe de tiştên hevpar dicivînin ku ew ji wan re dibêje motîf. Me jî ev xebata xwe li ser kismek çîrokên kurdî ku ji qadê hatine berhevkirin kir. Ev çîrok ji ber lehengê xwe yê sereke wekî “Çirokên Mîrze Mihemed” tên nasîn. Bi gotineke din, bi bikaranîna Motif-Indexê me hevpariyên çîrokên Mirze Mihemed derxistin holê. Herwiha ji bilî tespîtkirina van motîfan, me wateyên wan ên di çanda gelêrî de jî dan.

Peyvên sereke: Çîrok, motîf, Çîrokên Mîrze Mihemed, Stith Thompson, Motif-Indeks