Em kêfxweş in ku bi kovareka akademîk ya xebatên kurdî Folklor û Zimanê li pêşberî we ne. Folklor û Ziman kovareka bihekem ya navneteweyî ye ku dê di bin banê Weqfa Mezopotamyayê da salê du caran (nîsan û çirîya pêşîn) bê weşandin. Xebatên akademîk ên li ser kurdolojîyê dê di kovarê da cih bigirin. Zimanê gotaran ê sereke kurdî ye. Di çarçoveya kurdolojîyê da gotarên ji qadên folklor, edebiyat û zimanê kurdî, dîrok û çanda kurdan dê bên weşandin.