Mən - Zülfiyyə Hüseyn qızı İsmayıl 22 dekabr 1976-cı ildə Naxçıvan Muxtar Respublikası Kəngərli rayonunun Qarabağlar kəndində ziyalı ailəsində anadan olmuşam.  1982-ci ildə Qarabağlar kəndi 2 №li tam orta məktəbinin birinci sinfində təhsilə başlamışam. Tam orta məktəbi 1992-ci ildə fərqlənmə attestatı ilə bitirmişəm.  1991-ci ildə məktəblilər arasında keçirilən olimpiyadada “Azərbaycan dili və ədəbiyyatı” fənni üzrə respublika ikincisi olmuşam. Orta məktəbdə təhsilimi davam etdirməklə yanaşı (ikinci növbə) Azərbaycan Respublikası QAC Naxçıvan Vilayət Komitəsinin nəzdində olan tibb bacısı kursunu (1990-1992) fərqlənmə diplomu ilə bitirmişəm.

1992-ci ildə - orta məktəbi bitirdiyim il Naxçıvan Dövlət Universitetinin Tarix-filologiya fakültəsinə daxil olur. Təhsildəki uğurlarıma görə ilk semestrdən ali təhsilimin sonundək “Cəlil Məmmədquluzadə” adına adlı təqaüd almışam. Təhsil aldığım illərdə göstərdiyim nailiyyətlərə görə universitet rəhbərliyi tərəfindən dəfələrlə fəxri fərmanla təltif edilmişəm. Tələbə Elmi Cəmiyyətində fəal iştirak etmişəm və hər il qazandığım müvəffəqiyyətə görə I və II kursda – II dərəcəli diplom, III kursda – həvəsləndirici  yer,  IV və V kursda I dərəcəli diploma layiq görülmüşəm. 1997-ci ildə universiteti fərqlənmə diplomu ilə başa vurmuşam.

Elmi fəaliyyətim boyu çalışmışam ki, respublikamızın elmi, ictimai və siyasi həyatına nüfuz edim. İlk publisistik yazılarım 1989-cu ildən işıq üzü görməyə başlayıb. Hələ məktəbli ikən “Şərq qapısı” qəzetində və “Göyərçin”  jurnalında, tələbəlik illərində isə NDU-nun “Fikir” qəzetində onlarla məqalə çap etdirmişəm. “C.Məmmədquluzadə yaradıcılığında əlifba məsələsi” adlı ilk elmi məqaləm 1995-ci ildə işıq üzü görüb.

Ali təhsilimi başa vuran kimi elmi tədqiqata olan marağım yolumu Naxçıvan Regional Elm Mərkəzindən (indiki AMEA Naxçıvan Bölməsi) salıb. 1997-ci ildə kiçik elmi işçi kimi əmək fəaliyyətinə başlamışam daha sonra elmi işçi, böyük elmi işçi, aparıcı elmi işçi, elmi katib kimi müxtəlif vəzifələrdə çalışmışam. 27 ildir ki, yorulmadan tədqiqatlar aparır, böyük həvəslə Azərbaycan dilçilik elminə xidmət edirəm. Eyni zamanda da 1997-ci ildən indiyədək Naxçıvan Dövlət Universitetində pedaqoji fəaliyyətlə (saathesabı) məşğulam.

Təbii ki, dilçi kimi yetişməyimdə elmi rəhbərim Əməkdar elm xadimi, filologiya elmləri doktoru, professor Yusif Seyidovun əməyi çox böyükdür. 2011-ci ildə “Azərbaycan dilində qeyri-təyini ismi birləşmələr” mövzusunda dissertasiya işini uğurla müdafiə edərək filologiya üzrə fəlsəfə doktoru elmi dərəcəsi almışam.

2015-ci ildə Azər­­bay­­can Res­­pub­­li­­ka­sının Pre­­zi­­den­­ti ya­nın­­da Ali At­­tes­­ta­­si­­ya Ko­­mis­­si­­ya­sı­ tərəfindən ix­­ti­­sas üz­rə dosent elmi adı ve­­ril­­miş­­dir. 2020-ci ildə Rusiya Elmlər Akademiyasının professoru elmi adını almışam.

2015-2020-ci illərdə elmlər doktoru proqramı üzrə AMEA Naxçıvan Bölməsinin doktorantı olmuşam. “Naxçıvanın dialekt və şivələrində derivatologiya problemləri” mövzusunda doktorluq işini tamamlamışam.

Hər zaman kadr hazırlığı işinə də can yandırıram. Elmi rəhbərliyimlə 2 nəfər uğurla müdafiə etmiş və filologiya üzrə fəlsəfə doktoru elmi dərəcəsi al­mışdır. Dəfələrlə gənc doktorant və dissertantlara rəsmi opponentlik etmişəm, neçə-neçə əsərin elmi redaktoru və rəyçisi olmuşam.

Azərbaycan dilçiliyinin aktual problemlərinə həsr olunmuş 250-dən çox elmi məqaləm Azərbaycan, ABŞ, Brazilya, Kuba, Avstraliya, İtaliya, Polşa, Rusiya, Ukrayna, Qazaxıstan, Gürcüstan, Türkiyə və digər ölkələrdə ən sanballı akademik jurnallarda, həmçinin “Web of Science” və “Scopus” elmmetrik bazasına daxil olan nəşrlədə çap olunaraq elmi ictimaiyyətin diqqətinə çatdırılmışdır.  500-dən çox publisistik məqalə, oçerk və resenziyanın da müəllifiyəm. 100-dən çox respublika və beynəlxalq səviyyəli elmi konfrans, sempozium və konqresdə elmi məruzələrim dinlənilib və sertifikatlarla, təşəkkürnamələrlə  təltif olunmuşam.

Almaniyada 2 (ingilis və türk dilində), İngiltərədə 1 olmaqla 10-a yaxın kitab və monoqrafiyam nəşr olunmuşdur.

1. “Azərbaycan dilində qeyri-təyini ismi birləşmələr” (Bakı: Elm və Təhsil,  2012,  192 s. ISBN 978-9952-8024-2-9.).

2. “Theoretical problems of word creation in the dialects and accents of Nakhchivan and the Eastern Anatolia” (Germany: LAP LAMBERT Academic Publishing, 2016, 124 p. ISBN: 978-3-659-97732-9).

3. “Müstəqillik yollarında: Liderlik missiyası” (Naxçıvan: Əcəmi, 2016, 218 s. ISSN 2311-8482) (Ramiz Qasımovla həmmüəllif).

4.   “Azərbaycan ədəbiyyatında milli düşüncə konsepsiyası və azərbaycançılıq ideologiyası” (Bakı: Elm və Təhsil, 2017, 192 s. ISBN 978-9952-8176-4-5).

5.   “Naxçıvan dialekt və şivələrinin tədqiqi məsələləri” (Bakı: Elm və təhsil, 2018, 200 s. ISBN 978-9952-8176-0-7).

6. “Ortak türk kültüründe Nahçıvan ağızları” (Türkçe özel seri. Almaniya, LAP  LAMBERT Academic Publishing,  2019,  126 s. ISBN: 978-620-0-24510-6)

7. “Ədəbi-bədii dil və dilçilik araşdırmaları”. I c. Bakı: Elm və təhsil, 2020, 224 s.

8. “Ədəbi-bədii dil və dilçilik araşdırmaları”. II c. Naxçıvan: Əcəmi, 2022, 224 s. 

9. “Ədəbi-bədii dil və dilçilik araşdırmaları. III c.  Naxçıvan: Əcəmi, 2024, 224 s.

10. “Theoretical problems of derivatology in the dialects and accents of Nakhchivan” (İngiltərə, 2024, 310 p.).

11. Naxçıvan şivələrinin  frazeoloji  lüğəti. Bakı: Apastrof -A, 2025, 340 s.

Elmi tədqiqatlarımı əsasən üç istiqamətdə aparmışam: sintaksis, dialektologiya və ədəbi-bədii dil. Çəkilən heç bir əziyyət bəhrəsiz qalmır. Bu sahədəki fəaliyyətim həmişə diqqət mərkəzində olub və layiqincə qiymətləndirilib:

2011-ci ildə İctimai və humanitar elmlər sahəsindəki nailiyyətlərimə görə AMEA Naxçıvan Bölməsi Rəyasət heyətinin qərarı ilə  “İlin alimi” fəxri adına layiq görülmüşəm, diplom və mükafatla təltif olunmuşam;

2012-ci ildə Naxçıvan MR üzrə “İlin ən yaxşı gənc alimi” seçilmişəm;

2012-ci ildə gənc ailə olaraq elm sahəsindəki səmərəli fəaliyyətimə dövlətimiz yüksək qayğı göstərərək mənzillə təmin edib;

2015-ci ildə Naxçıvan MR Ailə, Qadın və Uşaq Problemləri üzrə Dövlət Komitəsinin elm sahəsindəki diplomuna  layiq görülmüşəm.

2020-ci il tarixində Rusiya Federasiyası Elmi ictimai təşkilatının “İnterclover” beynəlxalq layihəsinin elmi-tədqiqat və tədris-metodiki müəsissə əməkdaşlarının və ali məktəb müəllimlərinin iştirak etdiyi müsabiqəyə “Naxçıvan və Şərqi Anadolu dialekt və şivələrində söz yaradıcılığı problemi” adlı ingilis dilindəki monoqrafiyanı layihə şəklində təqdim etmiş və Beynəlxalq müsabiqənin Dilçilik və ədəbiyyatşünaslıq sahəsindəki II dərəcəli diplomuna layiq görülmüşəm.

2020-ci ildə “Sosial məkanda ana dilinin saflığının qorunması: problemlər, perspektivlər” adlı layihəsi Rusiyada keçirilən “Elmə start” IX Beynəlxalq müsabiqəsi”ndə III dərəcəli diploma layiq görülmüşəm və pedaqoji sahədə innovativ tədqiqatların aparılmasındakı uğurlu fəaliyyətə görə “Şəhadətnamə” ilə təltif edilmişəm.

2024-cü ildə İctimai və humanitar elmlər sahəsindəki nailiyyətlərimə görə AMEA Naxçıvan Bölməsi Rəyasət heyətinin qərarı ilə  “İlin alimi” fəxri fərman və mükafatla təltif olunmuşam;

2025-ci ildə İctimai və humanitar elmlər sahəsindəki nailiyyətlərimə görə AMEA Naxçıvan Bölməsi Rəyasət heyətinin qərarı ilə  “İlin alimi” fəxri fərman və mükafatla təltif olunmuşam;

Zülfiyyə İsmayıl 2024-cü il ərzində nüfuzlu elmmetrik bazalarda (Web of Science və Scopus) ən çox elmi məqalə nəşr etdirdiyinə görə ikinci yeri tutaraq AMEA-nın diplom və pul mükafatına layiq görülüb (31 yanvar 2025-ci il).

Zülfiyyə İsmayıl 2024-cü il ərzində nüfuzlu elmmetrik bazalarda (Web of Science və Scopus) ən çox elmi məqalə nəşr etdirdiyinə görə ikinci yeri tutaraq AMEA-nın diplom və pul mükafatına layiq görülüb (2 fevral 2026-cı il).

Çankırı Karatekin Universiteti Türkologiya İnstitutu tərəfindən nəşr olunan “Türkologiya Araşdırmaları Jurnalı”nın (ÇAKÜTAD) redaksiya heyətinə üzv seçilib. O, jurnalın dil və ədəbiyyat bölməsi üzrə məsul redaktoru və Azərbaycan üzrə elmi təmsilçisi seçilmişdir (2025). 

2026-cı il Şuşa jurnalının redaksiya heytinin üzvü

2000-ci ildə Yeni Azərbaycan Partiyasınının sıralarına daxil olmuşam.

Uzun illər MSK-da üzv kimi fəaliyyət göstərmişəm. 

Hazırda AMEA Naxçıvan Bölməsi İncəsənət, Dil və Ədəbiyyat İnstitutunun elmi katibiyəm.

Ailəliyəm, bir oğlum, bir qızım var.

1996 yılında Dicle Üniversitesi, İngiliz Dili Eğitimi Bölümünden mezun oldu. 1996-2013 yılları arasında, Millî Eğitim Bakanlığında Yöneticilik, Uzman İngilizce ve Fransızca Öğretmeni olarak görev yaptı. 2014 yılında Çankaya Üniversitesi İngiliz Edebiyatı ve Kültür İncelemeleri bölümünde yüksek lisansını tamamladı. 2013 yılında Çankırı Karatekin Üniversitesi Uluslararası İlişkiler Ofisi ve Erasmus Koordinatörlüğünde görev yaptı. 2018 yılında aynı üniversite Yabancı Diller Bölümüne İngilizce Öğretim Görevlisi olarak atandı. 2020 yılında Gazi Üniversitesi Mütercim Tercümanlık Çeviri ve Kültürel Çalışmalar bölümünde doktorasını tamamladı. Halen Çankırı Karatekin Üniversitesinde Doktor Öğretim görevlisi olarak görev yapmaktadır. Evli ve iki çocuk annesidir. Yazarın “Çeviri Amaçlı Tasavvuf Terminolojisi -Talât Sait Halman’ın “Yunus Emre Selected Poems” Adlı Çalışması Çerçevesinde Tasavvufi Şiirin Çevirisi” adında Yunus Emre Şiirlerinin İngilizce çevirilerine yönelik uluslararası inceleme kitabı, “Yunusca Çeviri-Yunus Emre Kavramlarının Dünya Dillerine Aktarılması” adında kavramları tanıtan uluslararası bir diğer kitabı vardır. “Translation of Cultural Items” (Kültürel Ögelerin Çevirisi) adlı Türkçe deyim ve atasözlerinin aktarımını örnekleriyle anlatan uluslararası İngilizce, Fransızca, Almanca, İtalyanca, İspanyolca, Lehçe ve Rusça gibi yedi dile çevrilen kitabı bulunmaktadır. Yaşadığı yöreyi ve kültürünü anlattığı, “Kültürel Çalışmalar Çankırı Tarihi ve Kültürel Değerleri” adlı kitabı vardır. Ayrıca, çeviri ve kültür çalışmalarını içeren uluslararası, ulusal bildirileri, konferansları, makale ve dergi yayınları mevcuttur.